Jenny Perlin artistaren bideo labur hau Rosalind Nashashibiren lantegian egin zen (2022ko uztailean), Tabakalerak eta Artium Museoak antolatutako Jardun Artistikoen Institutuaren (JAI) hirugarren edizioan. Nashashibik JAIn izan zuen parte-hartzearen ezaugarri nagusia pinturarako hurbilketa esperimentala eta kolektiboa izan zen, izateko eta bilakatzeko modu gisa. Hala dio Perlinek: «Artea ekarri genuen, musika ekarri genuen, hitz egin genuen, margotu egin genuen».
Jenny Perlin New Yorken bizi den artista bat da, filmak, bideoak, instalazioak eta marrazkiak egiten dituena. Haren proiektuak historiari, kultura-ikasketei, literaturari eta hizkuntzari buruzko diziplinarteko ikerketetan oinarritzen dira. Hoosac Institute-ren zuzendaria da, «testu- eta irudi-plataforma komisariatua, ohiko diziplina-narrazioetan sartzen ez diren piezak aintzat hartzen dituena».
Jenny Perlinek eskerrak eman nahi dizkie Rosalind Nashashibiri, Ibon Aranberriri, Asier Mendizabali, Itziar Okarizi, Olatz Otalorari eta parte-hartzaile guztiei (María Chao, José Manuel Ordoñez Requena, Gerard Borràs Montoro, Victoria Núñez Estrada, Ander Amuriza Orue, Andrea Aguilera Ruiz, Gari Arambarri Arregui, Almudena Crespo, Emmanuela Soria Ruiz, Vicente del Pedregal Moscatelli, Gaspar Avilés Sánchez, Camila Steinum, Borja de Aquino Muñiz, Ainhoa Lekerika Obieta, Elvira Amor. Hauen guztien margolanak eta eskuak ikus ditzakezu hemen).
Euskarara itzultzea:
Triangelu uhindu formadun geruza lodiko beltza.
Ez dago jarri beharreko izenik, ez eta esleitu beharreko esanahirik ere
jatorri ezezaguna izan ezik.
Pintzel baten indarra, pintzelari bultza egiten dion beso batena, eta besoari bultza egiten dion garun batena.
Arreta, artile leunezko tapaki baten antzekoa, ez ohiko lixazko begirada.
Ez dira gure margolanak, guztiok elkarrekin egin bagenituen ere.
Palazuelo.
Odilon Redon.
Sinadurarik gabeko objektuen lasaitasuna nabaritzeko arte zaharreko museoak bisitatzen ditut.
Han nire bihotza pixka bat gehiago ur dadin utz dezaket, konparatu beharrean.
Itxaron eta desiratzea, begiratu eta sentitzea,
okertu eta luzatzea, galdu eta aurkitzea –
Hegan goaz zure pintzelkaden igoeran
Faltsutzailetzat daukagu gure burua.
Beste zer faltsutzen dugu egun batean, urte batean, bizitza oso batean.
Espirituei dei egiten diegu
eta mezuak daramatzagu munduen artean.
Ezagutzen dugun hari men egiten diogu.
Ura gure gainean tantaka erortzen denean zabaldu egiten gara.
Elkartu egiten gara, batzuk besteekin urtzen gara.
Miriam Cahn gurekin dago berriz ere, bere maskara eta guzti.
Etel Adnan-en koadro bat margotu dugu.
Antony Tàpiesen izenean.
Kerry James Marshall-ena.
Odilon Redon.
Bizirik daude eta gure artean dabiltza.
Bizirik daude eta gure baitan bizi dira.
J. PERLIN
JAI, 2022